«نه رمیِ شُیی / نرم می شوی»

+«نه رمیِ شُیی / نرم می شوی»
وت : مالمو ئه ر سه ر ریِ بی ، کار دار ئو بی کار لاونه مه گرت.هر چیِ ئه ر وه رِ ده س بیا گُپُنی مه هوارد ئو مه چیان.یِ روژ دیمو ئی هواریر دو نه فه ر داشدو مهاتن ،یه کی یِ کیف وه دسا مشولنگیان ئو مه خنیان ئو سیل ژیر پا وژو نمهه رد.ئیسگه گِ یهاتن، هرازیِ، گه وه مُنیِ ته کو تا بایژیم ئی ژیر پاوُ.گه ه وه کردیه توزو ئه ریِ گری وه رِ ده ممو بیه شوئه زِرِنگ ، ئاخر پاییز بی ئیمیش مالمُنیِ نوم گل کره بی ، گُل کره ئو پاییز ئو خاک ئو واگیژه ، دیار بی گِ ماوه توزو.سه ر دره بر پیال نیشدن ئو وتو ئیمه مه مور مالاریائیمو ، هاتیمه قرستونه بین دیم ،ئه ما ئه وه ل ورسنیمونه.ژنه ل هرازی گُپی نون ئو پنیر ئو شیره ئو روین و ماس خه سی ئاوردو ناونه ر وه ر ده م پیال.دیم وتو: ئیمه ئه ج یه نمیریم چی تر بارن ،ئاوُن هه دفو کاوُ ر یا تویشگی بی تا سرا بُریم.پیا قسه وه شمونی داشد وتی : دتیه ل ئی ته ک وتوشیه هیز ده ن تا گریِ هه نی ئه ری ئی پیال ئزیزه «نه رمی شُیی» درس کیم .پیال خوشال بین ئو هر زونونه مایشد ئه ر دُر ده م وه خیال وژو «نه رمی شوی»خوراک تازیکه. یِ سات چی ، دو سات چی ، سه سات چی ،پیال هاتنیِ ده نگ وتو: مال ئی رمیا له خرولمو بریا ،چه بی ئی« نه رمی شویه»؟تا یاونه وت ، هرازی ئی دواره نون ئو په نیر و روین و ماس ئاوُردو ناون ئه ر وه ر ده مو.پیال ئی هول گیو ئی جال په نیر کلک وژُنه مهه رده گُپا.پیا قسه زان وتیِ : یه «نه رمی شوییه» وه زونِ فارسی یه نی ،« نرم می شوی.»
(مهدی زینی)

مهدی زینی

من مهدی زینی ا صلانی متولد 1337-الشتر ،کارشناس زبان و ادبیات فارسی ،دبیر باز نشسته ی آموزش و پروش ،نویسنده ی دو کتاب رد پای پیشینیان «فرهنگ عامه ی لکی» و کتاب شرح و بیان توصیفی برخی واژه های لکی که هر دو در دست چاپ هستند.هم اکنون در مورد معرفی زبان و فرهنگ لکی فعالیت می کنم.

شما ممکن است این را هم بپسندید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

+ 53 = 59