«سالفه لکی» «سقا»

«سالفه لکی»
«سقا»
وت : تاوُسو بی ئو مه شره قو، ئی تینی ئه ر هلاکات بیم.نُم ده مم چوی ژُیی ، چوی چو خاشو هُشگِ هُشگ ، کیه نی دویر بی ئو بی رِیِ.وتم خدایا بسه لمُنیِ بُیا یِ که میِ ئاوُ بره سُنیاتیه دایِم .ئی فکره بیم ، سه رم هیز دا دیم ئی دویرا ئه ر توئه دیمه یِ نه فر داشدی دروئه مهه ردی ئو جه ر ئه ر داسه مه هواردیِ چِم ئی نه زیک دیم ئی ژیر کُرکِیِ یِ کُنه ئاو شو مه ن چوی تُئرگ داشدیِ.وتم: میه نی نوئی ؟وتیِ: خوش هاتی باوه که م ، ئُمرِت زیئو.وتم: یِ جُم ئه ج ئی ئاوته بیرم فره تینیمه ، سویر ئایشدمه سیِ؟ بهه نه زری دور سه ر ئایله لت ئو وه رای حُسیِ .وتی: براکه م مِ هام ئه ر وه ر ئی مه شره قُنه دیرم دروئه مهه م ، ئه گه ر ئاوُهم بیه مه تو ئه نی وژم چه بهه م؟سه ر دره بِر _نُزه ن بلا_ هر چی خدامه یِ نُم چِری به نه و سد نُم ، ویر تیخ ئه ر وژ نهه ردیِ گِ نهه ردیِ.ئاه سه ردمی کیشی ئو کتم ئو رِیِ.گُزه شت بیه زمسو یِ گه ز ویه ر ئه ر زه می بی ،ئاشورا بی مه ردم داشدو ماوُ نه ر سینه، دیم کابرا داشدی ئاوِ بیرا مهه ردی ئو وژ کردُیتیه سقا ئِمُم حُسیِ.هات ئی وه ر ده مم ئو وتیِ: ئاو بیر ئو بوش :شلام بر حُسیِ له نه ت به ر یزید.وتم: سلام به ر حُسیِ ئه ما له نت بر تو .وت : ئه را ؟ وتم ها ویرت تاوُسوئه ر توئه دیمه؟وه ئی سه رما زمسونه کی ئاوه میری؟ پیا ئه ج وژا چی ئو سا سه ر ئایشدی ئو ئی نُم جه میه ت گُم بی.
(مهدی زینی)

مهدی زینی

من مهدی زینی ا صلانی متولد 1337-الشتر ،کارشناس زبان و ادبیات فارسی ،دبیر باز نشسته ی آموزش و پروش ،نویسنده ی دو کتاب رد پای پیشینیان «فرهنگ عامه ی لکی» و کتاب شرح و بیان توصیفی برخی واژه های لکی که هر دو در دست چاپ هستند.هم اکنون در مورد معرفی زبان و فرهنگ لکی فعالیت می کنم.

شما ممکن است این را هم بپسندید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

59 + = 62