زلزله سر پل ذهاو

زلزله سر پل ذهاو

واریه ایلم ، لرز سنگی ویر
بلاوه رسقی ، سوم گیو مَوَر

ولوت ایر چوخیا ، شیرئل ژیر بو
و سر پا نمن ، ئی مال تا کپر

فلک واز کردی حُقه ی درد ئو ژو
بدی ئو سوسه ، زمی آیشدی در

ئی بلافاته کس نیری و ویر
آفات دمی ذهاو گرتیی وَر

قصر رنجه رو ، ازگله ویرو
کرماشو داوار کُتل کِردیه سر

جوو تازه دم ژنه دسگیرو
و ناراضی دل پا ناتیی سفر

چپ چپ گیس و زلف قُرتیسه رنگی
اج وژا کنی شاخه ی صنوبر

هوره ی دشت و کوی لوره لور آو
نویزه ی وا ارای رنجل بی ور

دس ار مل خاک طلفل وَ شیر
حسرت ممیژیان بی کس ئو دل تر

بری بی باوه بری بی دالک
یتیم یسیرل گیروده ی وَتَر

اگر بیم بوشم دَسِک بکیشه
یادنو و خیر ، گلل پر پر

ضرد مال ئو پیل جا پرا ماوتی
کزی جرگ و دل ، نمچو وَ سر

فلک بی کس بای چوی کُرده مالان
بکوی ای ورت ویروشه و چمر

زمی بیوه بای ار گوشه ی دنیا
چوی م بنیشی بی رو ئو هُمسر

کس بی خم نیه هر کس و جوری
تونیش کسی کی ، ای ابوالبشر

#مهدی_زینی

@aksohonar
@qhazalemastaneh
http://telegram.me/farhangelakI

مهدی زینی

من مهدی زینی ا صلانی متولد 1337-الشتر ،کارشناس زبان و ادبیات فارسی ،دبیر باز نشسته ی آموزش و پروش ،نویسنده ی دو کتاب رد پای پیشینیان «فرهنگ عامه ی لکی» و کتاب شرح و بیان توصیفی برخی واژه های لکی که هر دو در دست چاپ هستند.هم اکنون در مورد معرفی زبان و فرهنگ لکی فعالیت می کنم.

شما ممکن است این را هم بپسندید

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

+ 45 = 51